بيحبها

بيحبها
رسم ع الحيط قلبين
وكتب أول حروف إسمها
وبيتين من الشعر في حبها
حببته شافت القلبين

رسمت ما بينهم سهم
وكتبت
كان نفسي اكون
ياراسم القلبين
اللي أنت بتحبها
ـــــــــــــــــــــــــــــــــــــــــ
khaled elsanosy

ياه .. يا هم

ياه .. يا هم
مش ناوى تدينى أجازة
أو حتى شويه من البراح
كاتم على قلبى
نفسي خلاص أرتاح

نفسى أضحك ضحكة
من غير اصطناع
من غير خداع
نفسي ما أحسبش لحياتى
مليون حساب
بأختصار
نفسى أعيش من غير هموم
لو حتى يوم
ــــــــــــــــــــــــــــــــــــــــــ
Khaled Elsanosy

وراجع ليه ياحلم

وراجع ليه ياحلم
تنادي من تاني
ما عدش فاضل فيا
مش مستحمل مناهدة
كل ما أجري وراك

ما ألقيش وراك ولا فايدة
أنا مش رافضك وربي
انت اللي رافضني
وكل ما تاجي
توجعني وتسبني
خليك بعيد عني
ويوم ما تنوي
توفي بوعدك معايا
أنا قاعد ومستني
ـــــــــــــــــــــــــــــــــــــــــ
khaled Elsanosy